“Avropa Azərbaycan kimi etibarlı tərəfdaşı itirməkdən qorxmalıdır”

17:12 25-01-2024 | icon 194 | Siyasət
“Avropa Azərbaycan kimi etibarlı tərəfdaşı itirməkdən qorxmalıdır”

Elşad Mirbəşir: "Avropa strukturlarında Azərbaycana qarşı qərəz bizi narahat etmir"

 

“Cənubi Qafqazda münaqişənin olması Avropa ölkələrinə orada öz mövcudluğunu təmin etmək üçün lazımdır. Lakin Azərbaycan münaqişə vəziyyətini aradan qaldırmaqla vəziyyəti tamam dəyişdi. Bu da müxtəlif Avropa platformalarında, eyni zamanda ABŞ-da ölkəmizə qarşı siyasi, diplomatik hücumları intensivləşdirdi. Avropa Şurasında Azərbaycana qarşı sərgilənən bu mövqe Avropanın Azərbaycanın öz torpaqlarını işaldan azad etməsini hələ də qəbul etmədiyini göstərir”.

 

Versus.Az xəbər verir ki, bunu Milli Məclisin deputatı Elşad Mirbəşir AŞPA-nın Azərbaycanın səsini dondurmaq təşəbbüsü ilə bağlı açıqlamasında bildirib.

 

Deputat AŞPA çərçivəsində Azərbaycana qarşı obyektiv mövqenin sərgilənmədiyini, təcavüzkar, işğalçı Ermənistanın dəstəklənməsi cəhdlərinin hər zaman müşahidə olunduğunu qeyd edib:



“Bu gün Avropanın müxtəlif platformalarında xüsusilə də Fransanın və ona bənzər dövlətlərin təşəbbüsləri ilə Azərbaycana qarşı davamlı siyasi hücumlar edilir. Başlıca məqsəd Cənubi Qafqazda gərginlik elementlərinin yaradılmasından ibarətdir. Bunun üçün Ermənistan bir alət kimi istifadə olunmaqdadır. Bunun özü region üçün çox ciddi təhükələr yarada bilər. Çünki Ermənsatanın Avropanın, ABŞ qarşısında göstərdiyi “xidmətlərin” qarşılığında olduqca qərəzli iddialarla dəstək nümayiş olunacaq. Hansı ki, biz bunu görməkdəyik”.

 

E.Mirbəşir bildirib ki, əslində Azərbaycanın öz ərazilərində antiterror əməliyyatları həyata keçirməsi Avropa tərəfindən alqışlanmalı olduğu halda, bunun əksini görürük:

 

"Avropa özü daim separatizmdən əziyyət çəkir və bu, dünaya üçün təhdid yaratmaqdadır. Bütün bunlara baxmayaraq öz ərazilərində antiterror tədbirləri keçirdərək, separatizmi aradan qaldıran Azərbaycana qarşı siyasi hücumların genişləndiyini görməkdəyik. Bu, həm də onun göstəricisidir ki, nə Avropa, nə də ABŞ Azərbaycan-Ermənistan münasibətlərinin normallaşdırılması prosesində obyektiv vasitəçilik göstərə bilməzlər. Çünki bu istəkdə olmadıqları bizim üçün yenilik deyil. Keçmiş münaqişə vəziyyətinin mövcudluğu dövründə də biz nə Avropa platformaları, nə də ABŞ tərəfindən məsələyə obyektiv yanaşıldığını görmədik”.

 

E.Mirbəşir hesab edir ki, Avropa İttifaqının Azərbaycandan enerji asılılığı var və bunu dərk edərək müəyyən qədər sərhədli davranmaqdadır. Onun fikrincə, bu asılılığı olmasa Azərbaycana qarşı daha aşkar qərəz sərgiləyər. Onun sözlərinə görə, bütün bunlarla yanaşı qeyd edib ki, əgər AŞPA Azərbaycan səsinin dondurulması təşəbbüsünü dəstəkləyərsə, bu mahiyyət etibarilə ölkəmizə heç bir mənfi təsir göstərməyəcək. Və bu, sadəcə olaraq gələcəkdə Avropa strukturlarının Ermənistanı alət kimi istifadəsinə daha geniş zəmin yarada bilər:

 

“AŞPA-nın qərəzli mövqeyi bizi öz yolumuzdan çevirə bilməz. Biz maraqlarımızı müdafiə edəcəyik. Azərbayacanla əməkdaşlıq Avropa subyektlərinin xeyrindədir. Bizimlə əməkdaşlıqdan imtina edilərsə, bizə qarşı qərəzli mövqe tutulacaqsa, bu gücümüzü imkanlarımızı azaltmır. Avropa Azərbaycan kimi etibarlı tərəfdaşı itirmıkdən qorxmalıdır. Avropa strukturlarında Azərbaycana qarşı qərəz bizi narahat etmir. Bizimlə səmimi tərəfdaş olan, haqlı mövqelərimizə hörmətlə yanaşan beynəlxalq platformalar mövcuddur”.

 

T.Qafarlı

Xəbər lenti

InvestAZ

Ən çox oxunan xəbərlər

Xocalı soyqırımı dünya müstəvisində anılmadıqca…

MMP "Ana harayı" abidəsini ziyarət etdi

Sümük xəstəliklərindən əziyyət çəkənlər OXUSUNLAR

Xocalı faciəsinin 32-ci ildönümünə həsr olunmuş FLƏŞMOB

Xocalı soyqırımı ABŞ mətbuatında və beynəlxalq hesabatlarda

Qarabağ Universitetində işləmək istəyənlərin NƏZƏRİNƏ

Xocalı soyqırımından 32 il keçir

Nazir gənc yazarla görüşüb

“CineMastercard” təqdim olunur

"Xocalı faciəsi: bu qan yerdə qalmadı” - ELMİ KONFRANS

Röya beynəlxalq musiqi festivalının açılışında çıxış edəcək

Bakı-Quba yolunda avtomobil aşıb

Rekord sayda BİLET SATIŞI

Lalə Məmmədovadan “Darıxmışam” - KONSERT

Jurnalistlərin akkreditasiyası ilə bağlı qaydaya DƏYİŞİKLİK