Qətlə yetirilən direktorla bağlı MƏLUMAT

Bakı Şəhəri üzrə Təhsil İdarəsi oğlu tərəfindən qətlə yetirilən məktəb direktoru ilə bağlı məlumat yayıb.

Versus.az xəbər verir ki, bu barədə İdarənin sosial media hesabında paylaşım edilib.

Bildirilir ki, Bakı Şəhəri üzrə Təhsil İdarəsimin rəhbərliyi və kollektivi paytaxtdakı 59 nömrəli tam orta məktəbin direktoru Əhmədova Pikə Bədəl qızının faciəli vəfatından kədərləndiyini bildirir, mərhumun doğmalarına və məktəbin müəllim-şagird kollektivinə dərin hüznlə başsağlığı verir.

Qeyd edək ki, hadisə saat 16:30 radələrində paytaxtın Xətai rayonunda baş verib. Belə ki, 1972-ci il təvəllüdlü Əhmədov Mehman Əhməd oğlu, 1977-ci il təvəllüdlü Əhmədova Bikə Bədəl qızı və 2015-ci il təvəllüdlü Əhmədov Məhəmməd Mehman oğlu kəsici alətlə qətlə yetirilib. Ailə üzvlərini qətlə yetirməkdə şübhəli bilinən 1999-cu il təvəllüdlü Əhmədov Əhməd Mehman oğlu polis əməkdaşları tərəfindən saxlanılıb.