“Azərbaycan Qadınlarının Gücü” adlı tədbir keçirilib

16:20 04-03-2024 | icon 268 | Cəmiyyət
“Azərbaycan Qadınlarının Gücü” adlı tədbir keçirilib

Azərbaycan Dövlət İqtisad Universitetinin (UNEC) Tələbə Həmkarlar İttifaqı Komitəsinin (THİK) təşkilatçılığı ilə 8 Mart - Beynəlxalq Qadınlar Gününə həsr olunmuş “Azərbaycan qadınlarının gücü” adlı tədbir keçirilib.

 

Ednews xəbər verir ki, tədbir Azərbaycan Dövlət Mədəniyyət və İncəsənət Universitetinin “Xəzər” tələbə xor kollektivinin ifasında Azərbaycan Respublikasının Dövlət Himninin səsləndirilməsi ilə başlayıb.

 

Açılış nitqi ilə çıxış edən UNEC-in tələbələrlə iş üzrə prorektoru, dosent Səadət Qəndilova elmin qadınların həyatında böyük rolu olduğunu qeyd edib:

 

“Belə bir deyim var ki, hər bir güclü kişinin arxasında güclü bir qadın dayanır. Bu çox doğru ifadədir, həmin qadın kişinin anası, bacısı, həyat yoldaşı, hətta qızı ola bilər. Qadınların həyatımızda rolu böyükdür, elmin isə qadınların həyatında rolu böyükdür”.

 

Daha sonra çıxış edən UNEC-in Tələbə Həmkarlar İttifaqı Komitəsinin sədr müavini Günay Ağazadə keçirilən müsabiqə sayəsində universitetdə təhsil alan tələbələri daha yaxından tanımaqlarına şərait yaradıldığını bildirib:

 

“Bu müsaqibə tələbələrimizin uğurlarına şahidlik etməyimizə kömək oldu. Bu timsalda qarşıdan gələn bayram münasibətilə bütün xanımları təbrik edir, həyatlarında uğurlar arzu edirəm”.

 

Çıxış üçün söz Azərbaycan Dövlət İqtisad Universitetinin Biznes və Menecment fakültəsinin məzunu, "Kapital Bank"ın İstedadların cəlbi və seçimi şöbəsinin müdiri Nərgiz Əzimovaya verilib:

 

“Bəzən düşünürük ki, qadının bir neçə funksiyası var, ana, bacı, həyat yoldaşı olmaq və s. Amma qadınların əsas funksiyası həyatda istədiyi nöqtəyə gəlib, çıxmaq olmalıdır. Qeyd olunduğu kimi güclü liderlərin arxasında hər zaman möhkəm qadın dayanır. İştirak etdiyim təlimlərin birində maraqlı statistika ilə rastlaşdım. Belə ki, qadınların peşəkar həyatda "CİO" səviyyəsində iştirakı cəmi 5 faiz təşkil edir. Amma qadınlar göründüyündən daha güclüdür və daxili motivasiyası güclü olduğu təqdirdə hər bir qadın istəyinə nail ola bilər. Hər birinizi qarşıdan gələn bayram münasibətlilə təbrik edir, qarşınıza qoyduğunuz məqsədə çatmağınızı arzu edirəm".

 

Çıxışlardan sonra müsabiqə iştirakçıları diplomla təltif olunub, hədiyyələr təqdim edilib.

 

Tədbir rəsmi hissə bitdikdən sonra bədii hissə ilə davam edib.

 











Xəbər lenti

InvestAZ

Ən çox oxunan xəbərlər

“İran guya Azərbaycandan təhlükə gözləyirmiş kimi aranı qarışdırır”

Əsən Ana əlləri

Laçınlılardan atəşkəsin pozulmasına REAKSİYA

“İranın bu təhdidləri yeni deyil”

“Azərbaycan və İsrailin müvafiq qurumları kifayət qədər hazırlıqlıdır”

“Amerika ilə Fransa Rusiya ilə gizli danışıqlara gedəcək”

Namiq Qaraçuxurlu konsert turuna BAŞLAYIR

Laçında mövqelərimiz atəşə TUTULDU

Avtomatı gözübağlı söküb-yığan məktəbli qız

İran XİN Brüssel görüşünə münasibət bildirib

67 illik dillərdə dastan sevgi hekayəsi

Ceki Çanın kəskin qocalmasının SƏBƏBİ

“Qızıl top” üçün mübarizə aparan oyunçuların yenilənmiş reytinqi

“Ludus”un təsisçisi Bakıda

Bu ilin ilk Günəş tutulması başa çatıb