Azərbaycanın ən yaşlı tələbəsi

18:06 07-03-2024 | icon 360 | Təhsil
Azərbaycanın ən yaşlı tələbəsi

“Təhsil alacağımı deyəndə mənə qəribə baxdılar”

 

Yaşından və mövqeyindən asılı olmayaraq, təhsil almaq və ya əlavə ixtisasa yiyələnmək heç vaxt gec deyil. Əsas odur ki, aldığın təhsilin, əlavə peşənin özünə, cəmiyyətə bir faydası olsun. Elə 73 yaşlı arıçı Musa Mahmudov kimi.

 

Qəbələ Dövlət Peşə Təhsil Mərkəzinin arıçılıq fakültəsində oxuyan M.Mahmudov Azərbaycanın ən yaşlı tələbəsidir.

 

Musa Mahmudov Kamal oğlu 1951-ci ildə Qəbələ rayonu Vəndam kəndində doğulub. Orta məktəbi bitirdikdən sonra Bakıda avtomobil çilingəri kimi çalışıb. 1972-ci ildə həqiqi hərbi xidmətini başa vuraraq, Mingəçevir Politexnik Texnikumuna qəbul olub və orada yaşayıb, işləyib.

 

M.Mahmudov 2004-cü ildən arıçılıqla məşğuldur. Əvvəllər arılarını Mingəçevirdə saxlayırdı. Lakin son 11 ildir ki, doğma Qəbələ rayonunun Vəndam kəndinə köçərək burada arıçılıq təsərrüfatını böyüdüb. Hal-hazırda 60-dan çox arı ailəsi var və özü “Ana arı” yetişdirir.

 

Arıçılığı praktik bacarsa da, onun nəzəri sirlərini öyrənmək üçün Qəbələ Dövlət Peşə Təhsil Mərkəzinə qəbul olub.

 

“Ötən ilin oktyabrında ilk arıçılıq qrupu açıldı və biz ilk tələbələrik. Gənclərlə yanaşı, burada 72 yaşlı sinif yoldaşım Nurməmməd Nuriyev və 65, 60, 50 yaşlarında arıçılar da təhsil alır. Onlar da praktik arıçılığı yaxşı bilirlər, amma nəzəri bilikləri öyrənmək üçün mənim kimi təhsil alırlar”, - deyə M.Mahmudov qeyd edib.

 

Hazırda qrupun ən fəal tələbələrindən biri olan Musa Mahmudov təhsil almaq, bilik və bacarıqlarını artırmaq yolunda yorulmadığını bildirib.

 

Ölkənin ən yaşlı tələbəsi AzVision.az-a açıqlamasında bildirib ki, tədris başlayandan bir saat da olsun dərsi buraxmayıb: 

 

“Müəllimlər də məndən razılıq edirlər. Peşə məktəblərində deyilənlərin çoxu bildiklərimdir. Amma nəzəri biliklər də var ki, onlar da vacibdir. Martın 18-dən praktikaya çıxacağıq, tədris ilinin sonunda isə artıq diplomumuzu alacayıq. Burada məhsulumuzun marketinqini də öyrədirlər ki, bu da bizim üçün vacibdir”.

 

M.Mahmudov qeyd edib ki, ilk dəfə təhsil alacağını evdə deyəndə ona qəribə baxıblar:



“Dedilər ki: “Bu yaşda məktəb oxuyacaqsan? Özünün təsərrüfatın var, başqalarına arıçılığı öyrədirsən”. Onlarla razılaşmadım və mükəmməl arıçı olmaq üçün təhsil aldım. Lakin yenilikləri görəndə nəvələrim təəccüblə “Baba. Baba, nə qəşəng” deyirlər. Fevralın 29-da doğum günüm idi. Məktəbdə elə ad günü keçirdilər ki, sözlə ifadə etmək çətindir. Lakin övladlarım heç biri arıçılıqla məşğul deyil. Nəvələrim də kiçik olduğu üçün onları dərsdən yayındıra bilmirəm. Təhsil hər bir yaşda vacibdir. Bu, mənim ikinci təhsilimdir. Amma təhsildən yayınan gəncləri görəndə hirslənirəm. Çünki təhsilsiz, heç bir ixtisasa yiyələnməyən gənc həyatda öz yolunu tapa bilməyəcək, uğur qazanmayacaq. Biliksiz insan susuz quyu kimidir”.

Xəbər lenti

InvestAZ

Ən çox oxunan xəbərlər

“İran guya Azərbaycandan təhlükə gözləyirmiş kimi aranı qarışdırır”

Brüssel görüşündə hərbi dəstək məsələləri müzakirə olunub?

Əsən Ana əlləri

Şəhid Abdullazadə Həsənağanın valideynləri ilə görüş

Laçınlılardan atəşkəsin pozulmasına REAKSİYA

Daha bir deputat səlahiyyətini İTİRİR

Hacı da olanda, belə Hacı olasan...

Nurcahan Hüseynova dünyasını dəyişdi

Yaşasaydı bu gün 68 yaşı tamam olacaqdı

Goranboy sakini evini satdı: Sosial yardımı DAYANDIRILDI

Cüdoçumuz Avropa kubokunda üçüncü olub

Bu gün onun günüdür - Sevindik Hətəmov 61

Bu gün IX sinif şagirdləri buraxılış imtahanı verəcək

Uşaqlar üçün ayaqla birlikdə böyüyən krosovka

Həkimdən XƏBƏRDARLIQ