MMP Parlament partiyası ola bilər

12:59 13-03-2024 | icon 269 | Siyasət
MMP Parlament partiyası ola bilər

Hafiz Hacıyev: "Seçkinin vaxtı bilinən kimi, təbliğat-təşviqat işlərinə başlayacağıq”

 

Növbədənkənar parlament seçkilərinin keçirilməsi məsələsi gündəmdədir. Qanunvericiliyə görə, parlamentin səlahiyyət müddəti 5 ildir, ancaq 98-1-ci maddədə qeyd olunur ki, növbədənkənar seçkilərdə seçilən Milli Məclisin çağırışının səlahiyyət müddəti beş ildən az ola bilər. Artıq bəzi siyasi partiyalar növbədənkənar parlament seçkiləri ilə bağlı hazırlıqlar görürlər.
 

Məsələyə münasibət bildirən Müasir Müsavat Partiyasının (MMP) sədri Hafiz Hacıyev seçkilərə hazır olduqlarını deyib.

 

MMP sədri qeyd edib ki, bu dəfə parlament partiyası olmaq üçün əllərindən gələni edəcəklər:

 

"Müasir Müsavat Partiyası olaraq biz həmişə seçkilərə hazırıq. Çünki hər bir partiyanın məqsəd və məramı seçkilərdə iştirak etməkdir. Prezident seçkilərində partiyamız çox fəal iştirak etdi və ölkə başçısı cənab İlham Əliyevə səs verilməsi üçün geniş təbliğat-təşviqat işləri apardı. Biz bundan sonra keçiriləcək seçkilərdə iştiraka hazırıq. Seçki ilə bağlı nə zaman qərar verilsə, həmin andan da seçki qərargahımız fəaliyyətini davam etdiricək. Bundan sonra bələdiyyə seçkiləri və referandum məsələləri də var. Düşünürəm ki, seçki çox normal və demokratik keçiriləcək. Partiyamızın parlamentdə təmsil olunması üçün əlimizdən nə gəlirsə, edəcəyik. Seçkinin vaxtı bilinən kimi, təbliğat-təşviqat işlərinə başlayacağıq”.

 

H.Hacıyev parlamentdə nə qədər üzvlə təmsil olunmaqla bağlı məsələyə də toxunub:

 

“Seçkinin hansı formada olacağını bilmirik. Söhbət gəzir ki, seçkilər proporsional qaydada təşkil olunacaq. Seçki qərarı veriləndən sonra məsələ daha da aydın olacaq. Lakin parlamentdə dövlətçiliyi müdafiə edə biləcək kifayət qədər ziyalılarımız, ləyaqətli insanlarımız, gənclərimiz var. Onların parlamentdə təmsil olunmasına çalışacağıq. Əminəm ki, bu dəfə partiyamız parlament  partiyası olacaq. Dövlətçiliyimizi parlamentdə müdafiə etməkdən ötrü böyük səylər göstərəcəklər. Layiqli namizədlərimiz var”.

Xəbər lenti

InvestAZ

Ən çox oxunan xəbərlər

“İran guya Azərbaycandan təhlükə gözləyirmiş kimi aranı qarışdırır”

Brüssel görüşündə hərbi dəstək məsələləri müzakirə olunub?

Əsən Ana əlləri

Şəhid Abdullazadə Həsənağanın valideynləri ilə görüş

Laçınlılardan atəşkəsin pozulmasına REAKSİYA

Daha bir deputat səlahiyyətini İTİRİR

Hacı da olanda, belə Hacı olasan...

Nurcahan Hüseynova dünyasını dəyişdi

Yaşasaydı bu gün 68 yaşı tamam olacaqdı

Goranboy sakini evini satdı: Sosial yardımı DAYANDIRILDI

Cüdoçumuz Avropa kubokunda üçüncü olub

Bu gün onun günüdür - Sevindik Hətəmov 61

Bu gün IX sinif şagirdləri buraxılış imtahanı verəcək

Uşaqlar üçün ayaqla birlikdə böyüyən krosovka

Həkimdən XƏBƏRDARLIQ