Şəfalı olduğu düşünülən bu bitkilər böyrəkləri çürüdür

14:24 24-03-2024 | icon 264 | Sağlamlıq
Şəfalı olduğu düşünülən bu bitkilər böyrəkləri çürüdür

Bir çoxumuz xəstələnəndə bitki mənşəli üsullara müraciət edirik. Lakin bu üsullar diqqətsiz istifadə edildikdə böyrəklərə zərər verə bilər.

 
 
 
Nefrologiya uzmanı Prof. Dr. Mehmet Şükrü Sever bitki mənşəli üsullarla bağlı xəbərdarlıq edib.
 
 
O, dünya əhalisinin 75 faizinin bitki mənşəli məhsullardan dərman kimi istifadə etdiyini bildirib:
 
 
“Bitkilərdən hazırlanan dərman başqa, dərman üçün bitkilərdən istifadə etmək isə tamam başqadır. Tərkibi naməlum olan bitki qarışımları həyati təhlükəli nəticələrə səbəb ola bilər”.
 
 
Professor bildirib ki, ağrıkəsici kimi istifadə edilən çinar yarpaqlarından, söyüd ağacının yarpaqlarından və ya qabığından hazırlanan çaylardan çox istifadə olunur. O, bu səbəblə kəskin böyrək çatışmazlığından xəstəxanaya yerləşdirilən xəstələrin olduğunu diqqətə çatdırıb.
 
 
Severin fikrincə, bitki mənşəli məhsulların dərmanlarla qarşılıqlı əlaqəsi daha riskli ola bilər. Üstəlik, tərkibi bilinməyən təsadüfi otları, qabıqları qaynadıb xəstəliyin müalicəsində istifadə etmək özü də bir çox təhlükələrə səbəb olur:
 
 
“Bunların təbii olduğu və heç bir əks təsiri olmadığına dair fikirlər əsassızdır. Bir çox dərman bitkilərdən hazırlanır. Amma bu dərmanlar üçün əvvəlcə bitkilər təmizlənir, toksiklik tədqiqatları aparılır, kimyəvi tərkibi müəyyən edilir, dozalar standartlaşdırılır, heyvanlar üzərində tədqiqatlar aparılır və s. Bir sözlə, bu, çox uzun bir prosesdir".
 
 
Onun sözlərinə görə, həddindən artıq və şüursuz istifadə edilən otların böyrəklərə zərər vermə riski çox yüksəkdir:
 
 
“Ona görə də mənşəyi məlum olmayan yarpaqları və s.-ni qonşular və ya qohumlar məsləhət gördükləri üçün qaynadıb dərman kimi içmək məsləhət deyil. Bunu etmək istəyəndə nə qədər xəstəni kəskin böyrək çatışmazlığı səbəbilə xəstəxanaya yerləşdirməli olduğumuzu yada salın”.

Xəbər lenti

InvestAZ

Ən çox oxunan xəbərlər

Regionda yeni cəbhə AÇILIR?

"YENİ XƏTT"dən mitinq çağırışlarına qarşı BƏYANAT

Tibb elminə həsr olunmuş ömür...

Vətəndaşları işə düzəltmə adı ilə necə aldadırlar?

Ölümün qorxduğu cərrah - Mübariz Əliyev - 65

Böyük alim, sədaqətli ömür gün yoldaşı, qayğıkeş ana...

Xalq artistlərinin möhtəşəm gecəsi

Ermənistanın buqələmun siyasəti

DREAM Fest 2024-ə 100 gün qaldı

Radikalların QRANT SAVAŞI BAŞLAYIR

“İran-İsrail arasındakı müharibə hər an şiddətlənə bilər”

Nura Surinin “Dünyaya qəribəm” klipi

“Həmkarlar”ın üzvü deyilsənsə, heç kim hüquqlarını müdafiə etməyəcək”

İncəsənətimizin RAMİZİ…

Məişət zorakılığından zərər çəkmiş şəxslərlə bağlı