“Qarabağ naminə qalib ol!” - MARAFON

18:37 03-05-2024 | icon 244 | Cəmiyyət
“Qarabağ naminə qalib ol!” - MARAFON

Mayın 2-də Qarabağ Dirçəliş Fondunun (QDF) İdarə Heyətinin sədri Rəhman Hacıyev Bakı Marafon Klubunun təsisçisi Firdovsi Kərimov və klubun üzvləri ilə görüşüb.

 

Görüşdə bildirilib ki, 5 may 2024-cü il tarixində Heydər Əliyev Fondunun təşkilatçılığı ilə növbəti dəfə keçiriləcək Bakı Marafonunda klubun iki nəfər xarici vətəndaş olmaqla 21 üzvü “Qarabağ üçün qalib ol!” şüarı altında mübarizə aparacaq.

 

Qarabağın dirçəlişi ideyasını ölkə daxilində və xaricində təbliğ etmək məqsədilə bu şüar altında müxtəlif təşəbbüslərin həyata keçirilməsi ilə bağlı Qarabağ Dirçəliş Fondu ilə Bakı Marafonu Klubu arasında razılıq əldə olunub.

 

Bakı Marafon Klubunun komandasının QDF-in adından “Bakı Marafonu”nda iştirak etmək təklifini yüksək qiymətləndirən Rəhman Hacıyev komandaya uğurlar arzulayıb.

 

Öz növbəsində Bakı Marafon Klubunun təsisçisi Firdovsi Kərimov bu il də Bakı Marafonunda QDF adından iştirak etməkdən məmnun olduqlarını ifadə edib.

 

Görüşdə QDF tərəfindən xüsusi dizaynda hazırlanmış qaçış üçün formalar klubun üzvlərinə təqdim olunub.

 

Qeyd olunmalıdır ki, ötən il olduğu kimi “Bakı Marafonu 2024”-də tərəfdaş kimi çıxış edən Qarabağ Dirçəliş Fondu Marafonun fan zonasında yaşıllaşdırma sahəsində böyük təcrübəyə malik olan “Tutto Bello” şirkətinin dəstəyi ilə hazırlanan “Marafon bağı” adlı xüsusi yaşıl pavilyonla iştirak edəcək.

 

QDF-in işğaldan azad edilmiş ərazilərdə ekoloji tarazlığın bərpasını özünün prioritet istiqamətlərindən biri kimi müəyyənləşdirməsini, eləcə də Prezident İlham Əliyev tərəfindən 2024-cü ilin ölkəmizdə “Yaşıl dünya naminə həmrəylik ili” elan olunmasını nəzərə alaraq Fondun “Bakı Marafonu”ndakı stendi ətraf mühitin qorunmasına həsr edilib.

 

Gəlin, Qarabağı birlikdə daha yaşıl bərpa edək!

 

PƏRİ
versus.az

Xəbər lenti

InvestAZ

Ən çox oxunan xəbərlər

"Yaxşı olardı ki, proporsional seçki sisteminə keçilsin"

1919-cu il sərhədlərinin bərpası fürsətini yaradan AMİL

Ürəkbulanma zamanı SƏHVƏ YOL VERİLİR

Siyasi sabitliyi, dialoq mühitini ifadə edən GÖRÜŞ

Erməni kilsəsi ətrafında gedən OYUNLAR

"Regionlarda işçilərin aldığı maaşlar fərqlənməlidir"

"Ulu öndərin işığında" - TƏQDİMAT

Seçkiöncəsi ŞOK

Müəllim olmaq istəyənlərin NƏZƏRİNƏ

Aygün "Xarıbülbül" festivalının bağlanışında...

Xankəndinin nəqliyyat planının layihəsi HAZIRLANDI

“Cadı” - CineMastercard kinoteatrında Qala gecəsi

Aygün obrazdan obraza girdi - “Maşallah”

Azərbaycan Milli QHT Forumunun YENİ RƏHBƏRİ

Sea Breeze ərazisində ilk dəfə sirk açılacaq