Azərbaycanda keçirilən nüfuzlu beynəlxalq TƏDBİRLƏR

11:31 18-05-2024 | icon 307 | Siyasət
Azərbaycanda keçirilən nüfuzlu beynəlxalq TƏDBİRLƏR

Kamilə Əliyeva: “Bu, ölkəmizə olan inam və etibarın nümunəsidir”

 


“Son dövrlər bir çox dünya dövlətləri Azərbaycanla sıx siyasi, iqtisadi əlaqələr qurmağa böyük maraq göstərir. Bu, Prezident cənab İlham Əliyevin güclü siyasətçi, mahir diplomat olması və beynəlxalq aləmdə Azərbaycanın nüfuzunun durmadan artması, 2020-2023-cü illərdə qazandığımız Şanlı Qələbələr, dövlətimizin gücünün, güdrətinin artması səbəblərindən irəli gəlir”.

 

Bunu Versus.az-a deputat Kamilə Əliyeva mayın 16-da Belarus Respublikasının Prezidenti Aleksandr Lukoşenkonun Azərbaycana rəsmi səfərə gəlməsi və Prezident cənab İlham Əliyevlə görüşü istiqamətində verdiyi açıqlamada bildirib.

 

Deputat qeyd edib ki, nüfuzlu beynəlxalq tədbirlərin Azərbaycanda keçirilməsinə təşəbbüslərin göstərilməsi, bir çox dünya ölkələrinin dövlət və hökumət başçılarının Azərbaycana səfərlər etməsi və ölkəmizlə iqtisadi və siyasi əlaqələri əhatə edən mühüm sənədlər imzalaması ölkəmizə olan inam və etibarın nümunəsidir:

 

“Azərbaycanın Ermənistan istisna olmaqla MDB-yə üzv dövlətlərlə iqtisadi, siyasi əlaqələri yüksək səviyyədədir və bu dövlətlərlə strateji tərəfdaşlıq haqqında Bəyannamə imzalanmışdır. Eləcə də Azərbaycanla Belarus Respublikası arasında ikitərəfli əlaqələr uzun illərdi möhkəm təməllər üzərində qurulmuşdur. Ölkə başçımız Belarus Prezidenti ilə görüşdən sonra mətbuata bəyanatla çıxış etdi. Azərbaycanla Belarus Respublikası arasında Hökumətlərarası Komissiyası uğurla fəaliyyət göstərir və gələcəkdə əməkdaşlığın artırılması istiqamətində də bir çox tədbirlər həyata keçirəcək. İki ölkə arasında əvvəlki illərdə yaradılmış birgə müəssisələr presperktivli fəaliyyət göstərir və yeni yaradılacaq digər bilgə müəssisələrin sayının da artırılması nəzərdə tutulub. Əsasən maşınqayırma, hərbi sənaye komplekslərində, eləcə də kənd təsərrüfatı sahələrində əməkdaşlıq əlaqələri daha da gücləndiriləcək ki, bu da ölkələrimizin təhlükəsizliyinə və iqtisadiyatının güclənməsinə əhəmiyyətli dərəcədə dəstək göstərəcək. Belarus şirkətləri Azərbaycanın işğaldan azad edilmiş torpaqlarında bərpa işlərində də iştirak edəcək. Ümumiyyətlə Belarus Respublikasının şəhərsalma sahəsində, eləcə də aqroşəhərciklərin tikintisində böyük təcrübəsi var”.


Deputat qeyd edib ki, Belarus Prezidenti Aleksandr Lukaşenkonun Prezident cənab İlham Əliyevlə işğaldan azad edilmiş Füzuli və Şuşa şəhərlərinə səfər etməsi bu ölkənin Azərbaycanın suverenliyinə hörmətlə yanaşmasının nümunəsidir:


“Prezident cənab İlham Əliyev və Prezident Aleksandr Lukaşenkonun şəxsi dostluq münasibətləri ölkələrimizin və xalqlarımızın dostluğuna böyük töhfə verir”.

 

T.Qafarlı

Xəbər lenti

InvestAZ

Ən çox oxunan xəbərlər

Qurban ətini neçə müddət saxlamaq olar?

Vlada Axundovadan YENİ KLİP

Müəmmalı səfərlər, hərbi sazişlər, gizli toplantılar...

İsrail bəyan etdi...

Türkiyədə meşə yanğınları başlayıb

Ronaldu altıncı AÇ-yə qatıldı

DTX-nin ƏMƏLİYYATI

Qəbul imtahanına qeydiyyat başa ÇATDI

Onkoloji xəstələrin tibbi sığorta ilə müalicəsi…

Xırdalanda partlayış SƏSLƏRİ

İnsanlarda qarpızla bağlı TƏRƏDDÜT

Çimərlikdə kişilər qadınlara hücum ÇƏKDİLƏR

Azərbaycana yay fəsli GƏLDİ

Növbədənkənar seçki qərarına REAKSİYA

Ordumuza qarşı xain PLAN