Azərbaycan dünyanın əldə etmək istədiyi döyüş vasitəsini aldı

08:01 22-05-2024 | icon 226 | Gündəm
Azərbaycan dünyanın əldə etmək istədiyi döyüş vasitəsini aldı

"Bir çox ölkələr bu PUA-ları əldə etmək üçün növbə gözləyir"

 

İran Prezidenti İbrahim Rəisinin qəzaya uğramış helikopterinin tapılmasında Türkiyənin “Akınçı” PUA-sı birbaşa rol oynayıb. Qərb və erməni mediası Türkiyə PUA-larını “ölümsaçan”, “qatil döyüş maşını” kimi təqdim edirdi. Lakin “Akınçı”nın icra etdiyi son axtarış əməliyyatı bu PUA-ların fərqli yöndən önəmini bir daha sübuta yetirdi.

 

Mövzu ilə bağlı Globalinfo.az-a danışan hərbi ekspert Ədalət Verdiyev deyib  ki, “Akınçı”nın necə yüksək üstünlüyə malik PUA olduğunu bir daha bütün dünya gördü:

 

“Axtarış zamanı sözügedən PUA-nın məhdud görmə şəraitində geniş imkanlara malik optik elektron sistemləri barədə əyani sübutlar ortaya qoyuldu. Ümumiyyətlə, Türkiyə PUA-ları həm mülki, həm də hərbi məqsədlər üçün istifadə oluna bilər. Təhlükəsizliyin təmin edilməsində ölkənin əlində olan bütün potensial, PUA-lar hərbi məqsədlər üçün istifadə edilir. Lakin bu dəfə çox mühüm əməliyyatda kifayət qədər yüksək nəticə göstərdi, növbəti uğura imza atdı”.

 

Hərbi ekspertin sözlərinə görə, bir çox ölkələr sözügedən PUA-ları əldə etmək üçün növbə gözləyir:

 

“Azərbaycan Türkiyənin bir çox silah sistemlərinin ilk istifadəçilərindən hesab olunur. “Akınçı” da ölkəmizə idxal olunub, lakin həmin texnikaların sayı barədə rəsmi məlumat verilməsə də, ehtimal ki, ehtiyac duyulan qədər əldə edilib. Türkiyənin istehsal etdiyi istənilən silah sistemi, avadanlıq rəsmi Bakı üçün daim əlçatandır və ilk olaraq ölkəmizə təklif olunur”.

Xəbər lenti

InvestAZ

Ən çox oxunan xəbərlər

Qurban ətini neçə müddət saxlamaq olar?

Vlada Axundovadan YENİ KLİP

Müəmmalı səfərlər, hərbi sazişlər, gizli toplantılar...

İsrail bəyan etdi...

Türkiyədə meşə yanğınları başlayıb

Ronaldu altıncı AÇ-yə qatıldı

DTX-nin ƏMƏLİYYATI

Qəbul imtahanına qeydiyyat başa ÇATDI

Onkoloji xəstələrin tibbi sığorta ilə müalicəsi…

Xırdalanda partlayış SƏSLƏRİ

İnsanlarda qarpızla bağlı TƏRƏDDÜT

Çimərlikdə kişilər qadınlara hücum ÇƏKDİLƏR

Azərbaycana yay fəsli GƏLDİ

Növbədənkənar seçki qərarına REAKSİYA

Ordumuza qarşı xain PLAN