Qafqazda yeni cəbhə açmaq ssenarisi

22:33 24-05-2024 | icon 217 | Siyasət
Qafqazda yeni cəbhə açmaq ssenarisi

Hansı ölkə Ukraynanın taleyini yaşayacaq?

 

Gürcüstanın Baş naziri İrakli Kabaxidze ölkədə Rusiyaya qarşı ikinci cəbhə açmağa cəhdin olduğundan danışıb. O bildirib ki, bunu Moskvanın mövqeyini zəiflətmək üçün etməyə çalışırlar, lakin Gürcüstanın taleyi ilə maraqlanmırlar.

 

Qeyd edək ki, bu fikirlər indiyə qədər Ermənistan üçün də səsləndirilirdi. Ermənistanı ikinci Ukrayna, Paşinyanı isə ikinci Zelenski adlandırırdılar. Hazırda Qərbin iki Cənubi Qafqaz ölkəsində Rusiyaya qarşı cəbhə açmaq istədiyi iddia edilir. Ölkələrdən biri Ukraynanın taleyini yaşaya bilərmi?

 

Qafqaz Tarixi Mərkəzinin direktoru, siyasi şərhçi Rizvan Hüseynov deyib ki, bu ilin əvvəlindən Ermənistan və Gürcüstanda gərgin proseslər baş verir:

 

“Rusiya-Qərb qarşıdurması gedir. May ayının ortalarında Ermənistan Baş naziri Nikol Paşinyanın Moskvaya səfəri və Rusiya Prezidenti Vladimir Putinlə görüşündən sonra iki ölkə arasındakı münasibətlərdə müvəqəti olaraq bəzi məsələlər həllini tapdı, gərginlik səngidi. Nəticə etibarilə Rusiyaya qarşı qüvvələr Gürcüstanda daha aktiv fazaya keçdi. Sanki Ermənistan və Gürcüstan Qərblə Rusiya arasında poliqona çevrilib. Delimitasiya, demarkasiya prosesinin gedişi, sülh müqaviləsinin imzalanmasına yaxın olmağımız, nəqliyyat-tranzit yollarının tikintisi, gələcəkdə Zəngəzur üzərindən yolların açılması kimi məsələlər Qərb və Rusiya arasında müəyyən razılığın əldə olunmasına gətirib çıxardı. Buna görə də Ermənistandakı daxili gərginliklər bir qədər səngidi”.

 

Siyasi şərhçinin sözlərinə görə, Ermənistanın hazırkı fəaliyyəti Qərb və Rusiya üçün məqbuldur:

 

“Rusiya və Qərb hazırda Gürcüstan üzərində oyuna başlayıblar. Bu proses payıza kimi davam edəcək. Burada da iki tərəf razılığa gəlməlidir. Bundan başqa, rəsmi Bakı və İrəvan arasında sülh müqaviləsinin imzalanması istiqamətində addımların atılmalıdır. Ölkəmiz Gürcüstanda sabitlik olmasında maraqlıdır. Onun sabitliyi Azərbaycan, Türkiyə və digər region ölkələri üçün vacibdir”.

Xəbər lenti

InvestAZ

Ən çox oxunan xəbərlər

Qurban ətini neçə müddət saxlamaq olar?

Vlada Axundovadan YENİ KLİP

İsrail bəyan etdi...

Müəmmalı səfərlər, hərbi sazişlər, gizli toplantılar...

Türkiyədə meşə yanğınları başlayıb

Ronaldu altıncı AÇ-yə qatıldı

DTX-nin ƏMƏLİYYATI

Qəbul imtahanına qeydiyyat başa ÇATDI

Onkoloji xəstələrin tibbi sığorta ilə müalicəsi…

Xırdalanda partlayış SƏSLƏRİ

İnsanlarda qarpızla bağlı TƏRƏDDÜT

Çimərlikdə kişilər qadınlara hücum ÇƏKDİLƏR

Azərbaycana yay fəsli GƏLDİ

Növbədənkənar seçki qərarına REAKSİYA

Putindən gözlənilməz açıqlama