Rusiyanın yeni, qalmaqallı Qarabağ PLANI

14:23 29-05-2024 | icon 180 | Dünya
Rusiyanın yeni, qalmaqallı Qarabağ PLANI

Təhlükəsizlik eksperti xəbərdarlıq edib

 

Rusiyanın Xankəndidə konsulluq açmaq istəməsi sosial şəbəkələrin Azərbaycan seqmentində birmənalı qarşılanmayıb. Bu addımı riskli hesab edənlər olduğu kimi, zərərsiz görənlər də var.

 

Rusiyanın Qarabağda baş konsulluq açması Azərbaycanın xeyrinədir, yoxsa zərərinə? Bakı buna icazə verəcəkmi?

 

Politoloq Qabil Hüseynli deyib ki, Rusiyanın Xankəndidə baş konsulluq açması indiki reallıqlar çərçivəsində heç bir əhəmiyyət kəsb etmir:

 

“Azərbaycan illərdir Rusiya ilə balans siyasətinə diqqət edib. Bu bizə nəticə etibarilə Qarabağ zəfərini bəxş etdi. Bu gün Qarabağ münaqişəsinin həll edilməsi balans siyasətimizin dəyişəcəyi mənasına gəlmir, çünki regionda marağı olan qüvvələr var.

 

Azərbaycan Türkiyə və Rusiya ilə münasibətlərin inkişafına, strateji tərəfdaşlığa, müttəfiqliyə xüsusi diqqət edir. Təsadüfi deyil ki, Türkiyənin də Şuşada konsulluğu açılacaq. Yəni əslində hər iki ölkənin Qarabağda konsulluq açmaq istəməsini Bakı öz maraqları çərçivəsində istifadə etmək istəyir.

 

Qabil Hüseynli

 

Ümumiyyətlə, diplomatik korpusların Qarabağa köçürülməsi regionda münaqişənin bitdiyi, təhlükəsizliyin təmin edildiyi mesajını verir. Bakı bununla həm də regiona yeni investisiya cəlb etmək istəyir.

 

Prezident İlham Əliyevin yürütdüyü xarici siyasət uzaqgörən və gələcəyə hesablanıb. Yəni bu gün Rusiya Xankəndidə konsulluq açmaq istəyirsə, Bakı bunun riskli və müsbət tərəflərini hesablayıb. Veriləcək qərar da sırf maraqlarımıza uyğun olacaq. Hesab edirəm, narahat olmağa dəyməz”.

 

Təhlükəsizlik eksperti Sülhəddin Əkbər isə hesab edir ki, Rusiya sülhməramlıları Azərbaycanı tərk etdikdən sonra Moskvanın ölkəmizdəki təsir imkanları  minimuma düşüb:

 

“Rusiya bu gün itirdiyi mövqeləri siyasi, diplomatik, kəşfiyyat, iqtisadi sahədə artırmaq istəyir. Diplomatik istiqamətdə isə xüsusi fəallıq müşahidə edilir.

 

Konsulluq xidməti hər bir ölkənin kəşfiyyat və təhlükəsizlik xidmətinə təsir edir. Rusiya Qarabağda yeni bir mərkəz, ocaq yaratmaq istəyir. Bununla göstərmək istəyir ki, Qarabağı tərk etməyib.

 

Sülhəddin Əkbər

 

Kreml Qarabağda “beşinci kolon” yaradılmasına çalışır. Çünki ermənilər oranı tərk etdikdən sonra buna ehtiyac var. Bununla həm də gələcəkdə ermənilərin Qarabağa qayıtmasını təmin etmək istəyirlər. Yəni buna yol vermək olmaz.

Bu gün Qarabağda rus vətəndaşları yoxdur. Bu konsulluq heç bir halda təyinatı üzrə işləməyəcək. Əsas iş kəşfiyyat fəaliyyəti olacaq”. /global.az/

Xəbər lenti

InvestAZ

Ən çox oxunan xəbərlər

Qurban ətini neçə müddət saxlamaq olar?

Vlada Axundovadan YENİ KLİP

Müəmmalı səfərlər, hərbi sazişlər, gizli toplantılar...

İsrail bəyan etdi...

Türkiyədə meşə yanğınları başlayıb

Ronaldu altıncı AÇ-yə qatıldı

DTX-nin ƏMƏLİYYATI

Qəbul imtahanına qeydiyyat başa ÇATDI

Onkoloji xəstələrin tibbi sığorta ilə müalicəsi…

Xırdalanda partlayış SƏSLƏRİ

İnsanlarda qarpızla bağlı TƏRƏDDÜT

Çimərlikdə kişilər qadınlara hücum ÇƏKDİLƏR

Azərbaycana yay fəsli GƏLDİ

Növbədənkənar seçki qərarına REAKSİYA

Ordumuza qarşı xain PLAN