Rusiya niyə Xankəndini seçir?

13:25 30-05-2024 | icon 330 | Siyasət
Rusiya niyə Xankəndini seçir?

Arzu Nağıyev: "Bu, Rusiyanın Qarabağda konsulluq açmasına məntiqli yanaşmanı labüd edir"

 

Rusiya yaxın vaxtlarda Xankəndidə baş konsulluq açmaq niyyətini açıqlayıb. Belə ki, Milli Məclisin Beynəlxalq münasibətlər və parlamentlərarası əlaqələr komitəsinin sədri Səməd Seyidovun rəhbərlik etdiyi nümayəndə heyəti ilə görüşdə Federasiya Şurasının Beynəlxalq Əlaqələr Komitəsinin rəhbəri Qriqori Karasin yaxın vaxtlarda hazırlıq işlərinə başlamağı planlaşdırdıqlarını bildirib. Federasiya rəsmisi konsulluğun 2024-cü ildə açılmasını ideal hesab edib.

 

Rusiyanın Xankəndidə konsulluq açmaq niyyəti nə ilə bağlıdır, niyə məhz Xankəndi?

 

Versus.Az xəbər verir ki, məsələyə münasibət bildirən Milli Məcliin deputatı Arzu Nağıyev Rusiyanın Xankəndidə baş konsulluq açmaq istəyinin regiona qayıtmaq üçün siyasi plan və bir təhlükə kimi təqdim olunmasının reallıqla uzlaşmadığını deyib. Onun sözlərinə görə, regionda cərəyan edən geosiyasi proseslər hansısa dövlətin açmaq istədiyi diplomatik nümayəndəliklə öz məcrasını heç vaxt dəyişən deyil və mövcud reallıq kimlərinsə yenidən ölkəmizin suverenliyinə yersiz müdaxiləsini inkar edir.

 

Deputat qeyd edib ki, məlum Federasiya Şurası rəhbəri Azərbaycan parlament nümayəndələri ilə görüşdə Rusiyanın Xankəndidə konsulluq açması istəyinədn danışılıb və bu məsələdə Bakının dəstəyinə ümid edildiyi bildirib:

 

“Yəni Rusiyanın Xankəndidə diplomatik nümayəndəliyi ilə bağlı qaldırdığı məsələ hələ ki, müzakirə edilir və bu proses konsulluğun fəaliyyət tələblərinə uyğun mövcud şəraitə, reallığa əsasən gerçəkləşə bilər”.

 

A.Nağıyev Federasiya rəsmisinin fikirlərinə istinadən bildirib ki, Xankəndidə Rusiya diplomatik nümayəndəliyinin açılması qarşılıqlı diplomatik nümayəndəliklərin mövcudluğundakı fərqi aradan qaldırmağa yönəlib:

 

“Azərbaycanın da Yekaterinburq, Sankt Peterburq şəhərlərində konsulluqları fəaliyyət göstərir. Konsulluq orada yaşayan, səfər edən azərbaycanlıların bu və ya digər problemlərinin həlli istiqamətində addımlar atır. Eləcə də Rusiyanın baş konsulluğu bu istiqamətdə fəliyyətini quracaq”.

 

Deputat eyni zamanda bildirib ki, gələcəkdə Zəngəzur dəhlizinin açılması, logistik daşımaların - Orta Dəhlizin Azərbaycan ərazisindən keçməsi, starteji əhəmiyyətli hava limanlarının olması kontekstində gələcəkdə Rusiyanın Qarabağda konsulluq açmasına məntiqli yanaşmanı labüd edir:

 

“Burada siyasi motivlər axtarmağa dəyməz. Məsələ hələ ki, Federasiya rəsmisinin verdiyi açıqlama səviyəsindədir, müzakirə olunmalıdır”.

 

T.Qafarlı
versus.az

Xəbər lenti

InvestAZ

Ən çox oxunan xəbərlər

Qurban ətini neçə müddət saxlamaq olar?

Vlada Axundovadan YENİ KLİP

İsrail bəyan etdi...

Müəmmalı səfərlər, hərbi sazişlər, gizli toplantılar...

Türkiyədə meşə yanğınları başlayıb

Ronaldu altıncı AÇ-yə qatıldı

DTX-nin ƏMƏLİYYATI

Qəbul imtahanına qeydiyyat başa ÇATDI

Onkoloji xəstələrin tibbi sığorta ilə müalicəsi…

Xırdalanda partlayış SƏSLƏRİ

İnsanlarda qarpızla bağlı TƏRƏDDÜT

Çimərlikdə kişilər qadınlara hücum ÇƏKDİLƏR

Azərbaycana yay fəsli GƏLDİ

Növbədənkənar seçki qərarına REAKSİYA

Putindən gözlənilməz açıqlama