Pensiya ilə bağlı ŞAD XƏBƏR

08:15 06-06-2024 | icon 159 | İqtisadiyyat
Pensiya ilə bağlı ŞAD XƏBƏR

Azərbaycanda 2024-cü il üzrə qadınların pensiya yaşı dəyişir. Belə ki, ölkədə 30 iyun 2024-cü ilədək kişilərin pensiya yaşı 65 il, qadınların pensiya yaşı isə 63 il 6 ay olacaq.

 

1 iyul 2024 – 30 iyun 2025-ci il tarixində isə kişilərin pensiya yaşı dəyişməsə də, qadınların pensiya yaşı yarım il artırılaraq 64-ə çatdırılacaq.

 

“Əmək pensiyaları haqqında” qanunun 7-ci maddəsində nəzərdə tutulmuş kişilərin yaş həddi 2017-ci il iyulun 1-dən başlayaraq 2021-ci il iyulun 1-dək, qadınların yaş həddi 2017-ci il iyulun 1-dən başlayaraq 2027-ci il iyulun 1-dək hər il 6 ay artırılır.

 

Sirr deyil ki, erkən ölüm səbəbi ilə bir çox yaşlı nəslə pensiya almaq nəsib olmur. Belə olan halda yaş həddinin artırılması nə dərəcədə doğrudur?

 

Mövzunu şərh edən sabiq maliyyə naziri, iqtisadçı alim Fikrət Yusifov deyib ki, Azərbaycanda kişilərin və qadınların pensiya yaşının 65-ə çatdırılması ilə bağlı “Əmək pensiyaları haqında” qanunda 2017-ci ildə dəyişiklik edilmişdi.

 

 

O deyib ki, qanunun 7-ci maddəsinə əsasən 2017-ci il iyulun 1-dən başlayaraq 2026-ci il iyulun 1-dək hər il 6 ay artırılaraq sonda qadınlar üçün 65 yaşa çatdırılacaqdı:

 

“Əmək pensiyaları haqqında” Qanunda vaxtılə edilmiş bu dəyişiklik cəmiyyət tərəfindən birmənalı qarşılanmasa da, dəyişikliklərin müəllifləri bu addımı ilk növbədə ölkədə orta yaş həddi göstəricilərinin yaxşılaşması ilə izah edirlər. Digər tərəfdən orta pensiya yaşının 65-dən çox olduğu və onun 70-i ötdüyü ölkələrin də təcrübəsi ortadadır. Bəzi vətəndaşların pensiya yaşına çatmadan dünyasını dəyişməsi ölkə üzrə orta yaş göstəricisini dəyişdirə bilməz. Bir qrup insanların pensiya yaşına çatmadan dünyasını dəyişdiyi kimi, digər qrup insanlar da pensiyaya çıxdıqdan sonra yaşanacaq orta ömürdən bəzən 2-3 dəfə çox yaşaya bilirlər. Belə olan halda onlar hamı kimi təqaüd alırlar”.

 

Sabiq nazirin fikrincə, bu sırada ən önəmli məsələ təqaüdçü dünyasını dəyişdikdən sonra onun istifadə edilməmiş pensiya kapitalı ilə bağlıdır:

 

“Hesab edirəm ki, vətəndaşın hesabına illərlə yığılmış vəsait – yəni pensiya kapitalı onun mülkiyyətidir və əgər vətəndaş dünyasını dəyişən zaman bu hesabda hər hansı bir məbləğdə vəsait qalarsa, həmin vəsait vətəndaşın digər əmlakları kimi onun varislərinə çatmalıdır. Düşünürəm, sosial islahatlar çərçivəsində hökumət bu məsələnin həlli ilə bağlı müvafiq addımlar atacaq”. /globalinfo.az/

Xəbər lenti

InvestAZ

Ən çox oxunan xəbərlər

Qurban ətini neçə müddət saxlamaq olar?

Vlada Axundovadan YENİ KLİP

Müəmmalı səfərlər, hərbi sazişlər, gizli toplantılar...

İsrail bəyan etdi...

Türkiyədə meşə yanğınları başlayıb

Ronaldu altıncı AÇ-yə qatıldı

DTX-nin ƏMƏLİYYATI

Qəbul imtahanına qeydiyyat başa ÇATDI

Onkoloji xəstələrin tibbi sığorta ilə müalicəsi…

Xırdalanda partlayış SƏSLƏRİ

İnsanlarda qarpızla bağlı TƏRƏDDÜT

Çimərlikdə kişilər qadınlara hücum ÇƏKDİLƏR

Azərbaycana yay fəsli GƏLDİ

Növbədənkənar seçki qərarına REAKSİYA

Ordumuza qarşı xain PLAN