"Mənim üçün seçki dairələrinin heç bir fərqi yoxdur"

12:23 10-06-2024 | icon 123 | Siyasət
"Mənim üçün seçki dairələrinin heç bir fərqi yoxdur"

Hafiz Hacıyev: "Seçkilərdə Xankəndidən namizədliyimi verə bilərəm"

 

Müasir Müsavat Partiyası parlament seçkilərinə hazırlaşır.

 

Versus.Az xəbər verir ki, bu barədə açıqlamasında partiyanın sədri Hafiz Hacıyev məlumat verib.

 

O qeyd edib ki, partiya ilboyu seçkiyə hazırlaşmalı, seçiciləri ilə görüşməli, hansı dairədə zəifliklər varsa onu müəyyənləşdirməli, təbliğat-təşviqat işlərini aparmalıdır:

 

"Kifayət qədər təcrübəsi olan partiyayıq. Üzvlərimizin əksəriyyəti parlamentə namizəd olub. Ona görə də həmişə seçkilərə ciddi yanaşmışıq. Artıq seçki qərargahımız yaranıb. Düşünürük ki, bütün regionlarda partiyanın namizədləri iştirak edəcək. Adları hələ açıqlamaq istəmirik. Düşünürəm ki, dairələrin 50-60 faizində biz namizədlərimizi irəli sürək. Partiyamızda kifayət qədər ləyaqətli, təcrübəli, dövlət qulluğunda çalışanlar da var. Seçkilərə çox böyük önəm veririk. Demokratik seçkidə iştirak etməyin özü böyük məsuliyyət tələb edir. Dövlətimizin, xalqımızın gələcəyi naminə seçkilərdə iştirak edib, qələbə qazanmalıyıq. Parlamentdə təmsil olunacaq qədər namizədlərimiz var. Onlar hansı regionda və seçki dairəsində olur-olsun orada qalib gələcək".

 

Hafiz Hacıyev özünün namizədliyi məsələsinə də aydınlıq gətirib:

 

"Mən 4 dəfə prezidentliyə namizəd olmuşam. Partiyanın Ali Siyasi Şurası - İdarə Heyəti hələlik bu qərara gəlib ki, seçkidə mən də iştirak edim. Zamanı çatanda bu barədə qəti qərar verəcəyik. Azərbaycan xalqı məni tanıyır. Mənim üçün seçki dairələrinin heç bir fərqi yoxdur. Prezident seçkilərində iştirak edən və xeyli say toplayan şəxs kimi hansı dairədən namizəd olmağın fərqi yoxdur. Azərbaycanın hansı guşəsindən olur-olsun, namizədliyimi verib qalib gələ bilərəm. İşğaldan azad olunmuş ərazilərimizdən, məsələn Xankəndidən namizədliyimi verə bilərəm. Azərbaycanın hər bir qarışı mənim üçün əzizdir. Hazırki komandamızla böyük qələbə qazanmaq olar". /modern.az/

Xəbər lenti

InvestAZ

Ən çox oxunan xəbərlər


“Yenidən müharibəyə başlamaq planları qururlar”

Misir-Azərbaycan əlaqələrinin inkişafından qarşılıqlı GÖZLƏNTİLƏR

El arasında “qulaqdibi” adlanan SVİNKA

Yaddaş gücləndirici dərmanların FƏSADLARI

Spikerlərin BAKI TOPLANTISI

Türk dünyasının gücləndirilməsinə istiqamətlənən ADDIMLAR

“Pis oğlanlar” CineMastercard kinoteatrının yay mövsümünün açılışında

Bu da Səidənin "Dünya"sı

Dünyanın ən yaxşı HÜCUMÇULARI

Ayaz Babayev və Oğuzhan Koç eyni səhnədə

Elçin şagirdlərin izdihamı ilə qarşılaşdı

Sertifikasiyadan kəsilən müəllimlərə SON ŞANS

İsrail üçün yeni TƏHLÜKƏ

Lənkəranda Uşaq Musiqi Məktəbinin HESABAT KONSERTİ

Macarıstandan Azərbaycana JEST