Ceyhun Məmmədov: "Bu növbəti uğurlu addımın təzahürüdür"

"Bu gün Azərbaycan Qoşulmama Hərəkatının Parlament Şəbəkəsi nin qurulmasına ev sahibliyi edir və bu istiqamətdə müxtəlif tədbirlər keçirir.

Versus.Az xəbər verir ki, bunu Milli Məclisin deputatı Ceyhun Məmmədov QHPŞ-nin Bakı konfransı ilə bağlı prezidentin çıxışına diqqət çəkərkən açıqlamasında deyib.

Deputat hesab edir ki, belə tədbirlər Azərbaycan dövlətinin artan nüfuzunun göstəricisidir:

"Burada əsas məqsəd Azərbaycan həqiqətlərinin təbliği, erməni vandallığının ifşaasıdır. Bu gün biz ölkəmizin bu reallığını dünya ictimaiyyətinə çatdırılması istiqamətində səylərini davam etdirir".

Tədbirdə Prezidentin çıxış etdiyini və bir sıra mühüm məqamlara toxunduğunu, reaksiya verdiyini deyən C.Məmmədov Ermənistanın növbəti dəfə ifşa olunduğunu
qeyd edib:

"Azərbaycan son illər Parlament Diplomatiyasını icra edir və bu növbəti uğurlu addımın təzahürüdür. Bu bizə imkan verəcək ki, Azərbaycan həqiqətlərini yeni platformalarda təbliğinə nail ola bilək"

T.Qafarlı