"Müddət 5 ildən artıq uzadılsa, onların daha ağır düşmən hərəkətlərini görə bilərik"

09:56 26-11-2022 | icon 225 | Siyasət
"Müddət 5 ildən artıq uzadılsa, onların daha ağır düşmən hərəkətlərini görə bilərik"

Aydın Quliyev: “Sülhməramlıların fəaliyyətləri ilə bağlı ciddi hesabat tələb olunmalıdır”

 

"Azərbyacanın rus sülhməramlılarının bir sıra hərəkətlərinə, əldə olunmuş razilaşmalara açıq-aydın zidd hərəkətlərinə aşırı dərəcədə dözümlü yanaşması sülhməramlıları belə yalan bəyanatlar verməyə həvəsləndirdi. Əgər zamanında sülhməramlıların neqativ hərəkətlərnə və hərəkətsizliklərinə lazımi şəkildə prinsipial cavab verilsəydi, yəqin ki, onlar bu gün bu cür addımlara və hərəkətlərə yol verməzdilər".

 

Versus.Az xəbər verir ki, bunu siyasi ekspert Aydın Quliyev sülhməramlıların həddini aşaraq Azərbaycanı sərhəddə atəşkəsi pozması ilə bağlı yalan bəyanatla ittiham etməsi ilə bağlı açıqlamasında bildirib.

 

A.Quliyev qeyd edib ki, biz zamanında ümid elədik ki, əgər əldə olunmuş 10 noyabr razılaşmasında Rusiya prezidentinin imzası varsa, demək onun bütün müddüəasının icrası üzərində Rusiyanın ali siyasi rəhbərliyinin iradəsi təkzib olunmaz bir fakt kimi ortada olacaq:

 

“Biz gözləyirdik ki, rus sülhməramlıları özlərinin məsuliyyət zonası olan ərazilərdə  ermənilərin qanunsuz silahlı dəstələrini razılaşmada nəzərdə tutulmuş müddətdə tərksilah edəcəklər.  Ancaq bu baş vermədi. Biz rus sülhməramlıların separatçıların nəzarətində olan bölgədə heç bir lüzum olmadan rus icmasını formalaşdırmasına dözümlü yanaşdıq. Biz ona dözdük ki, sülhməramlıların gözünün qabağında  Gümrüdə istehsal olunmuş minaları Qarabağın hələ də separatçıların əlində olan hissəsinə daşıdılar və onları separatçıların yaşadığı ərazilərin ətrafında sülhməramlıların gözü qabağında basdırdılar. Biz ona göz yumduq ki, rus sülhməramlıları Rusiyanın tarixində olan müəyyən elm - mədəniyyət və dövlət xadimlərinin heykəllərindən ibarət Qarabağda bir panteom düzəltdilər.  Biz Rusiya sülhməramlılarının gözünün qabağında Qarabağın mərkəzində müxtəlif dini ocaqlar yaradıldığını gördük. Hətta onu da müşahidə elədik ki, sülhməramlıların nəzarəti və fəal iştirakı ilə Rusiya vətəndaşlarının Qarabağda toplantısı keçirildi. Biz onu da gördük ki, məhz sülhməramləların gözü qabağında separatçı rejimin saxta ildönümləri ilə bağlı müəyyən  tədbirlər keçirildi.  Sülhməramlıların Qarabağa gələn avtomobilləri yoxlamadan Xankəndi ərazisinə buraxıbar ki, bu da ora şübhəli yüklərin daşındığı ilə bağlı məlumatların olduqca mötəbər olduğunu bir daha təsdiqlədi. Biz Rusiya ilə münasibətlərdə üzərimizə götürdüyümüz  öhtəliklərə tam sadiq halda dözümlü yanaşdığımız halda, sülhməramlılar belə pozucu addımları atmağa başladılar”.

 

A.Quliyev bildirib ki, bu faktlar onu sübut edir ki, nə zamana qədər ki, sülhməramlıların ərazidəki fəaliyyətinə prinsipial cavab verilməsinə nail olmamışıq,  bizim göstərdiyimiz iradların icra olunub-olunmaması ilə bağlı hesabat istəməmişik, onda sülhməramlılar bu cür qeyri-adi inanılmaz bəyanatları yaymaqda davam edəcəklər.

 

A.Quliyev bəyan edib ki, sülhməramlıların bugünkü bəyanatı artıq sülhməramlıların fəaliyyətinə Rusiya ilə münasibətlərimizə malik olduğumuz öhtəliklər nəzərindən yanaşmaq möbvqeyinə son qoymalıyıq:

 

“Sülhməramlıların bu yanlış məlumatları onların Qarabağda qalma müddətinin uzadılması ilə bağlı erməni tərəfinin qaldırdığı təşəbbüslərin heç bir əsası olmadığını sübut edir. Bir daha göstərir ki, sülhməramlıların özlərini bu cür apardıqları təqdirdə onların ölkəmizdə qalmasının müddətinin uzadılması ilə bağlı Azərbaycanın hər hansı bir müzakirələrdə iştirakı yolverilməzdir”.

 

A.Quliyev bildirib ki, rus sülhməramlıları bu 5 ildə nəinki üzərinə düşən öhtəlikləri yerinə yetirmədilər, əksinə Azərbaycana qarşı qərəzli informasiyalar yayır, hətta qalma müddəti 5 ildən artıq uzadıldıqda onların daha ağır düşmən hərəkətlərini görə bilərik:

 

“Ona görə də sülhməramlıların fəaliyyətləri ilə bağlı ciddi hesabat tələb olunmalıdır. Sülhməramlıların 10 noyabr sazişinə uyğun fəaliyyət göstərib göstərməyəcəyi günün ən aktual mövzusuna çevrilməlidir”.

 

T.Qafarlı

Xəbər lenti

InvestAZ

Ən çox oxunan xəbərlər

MCP-dən İLİN YEKUNLARI

Sahil Babayev DOST mərkəzinin bağlanmasını Prezidentdən NİYƏ GİZLƏDİR?

Qırmızı qurd eşənəyi - hər xəstədə fərqlidir

Həqiqətdən uzaq, saxta məlumatlara əsaslanan QƏTNAMƏ

Qidalara qatılan bu maddə diabet əmələ gətirir

Deputat etiraz etdi

Türkiyədə təhsil almaq istəyənlərin NƏZƏRİNƏ

“Sevda mecburi istikamet”in qala gecəsi baş tutub

“Toppuş bacı” haqqında maraqlı faktlar

Azərbaycana qarşı məkrli, maraqlı ölkələr

Çürük dişlərin yaratdığı bəla

Xərçəngdən ən yaxşı qoruyan meyvə

Mələyin heykəli oğrulardan “qisasını aldı”

Daha üç qadın jurnalist saxlanıldı

Pensiyalar 15 faiz artacaq