“Müəllimlər üçün tətil anlayışı yoxdur”

14:10 27-01-2024 | icon 444 | Təhsil
“Müəllimlər üçün tətil anlayışı yoxdur”

Kamran Əsədov: "Azərbaycanda müəllimlərin tam və ya yarımştat məsələsi yoxdur"

 

“Müəllimlər üçün tətil anlayışı yoxdur. Qanunvericilikdə tətil uşaqlar üçün nəzərdə tutulub".

 

Versus.Az xəbər verir ki, bu sözləri açıqlamasında təhsil eksperti Kamran Əsədov qış tətilinin müəllimlərə aid edilməməsi ilə bağlı danışarkən deyib.

 

O qeyd edib ki, müddətsiz müqavilə ilə işləyən bütün müəllimlər, sinif rəhbərləri, uşaq birliyi rəhbərləri, psixoloq, kitabxana müdiri, laborantların 29, 30, 31 yanvar tarixlərində işdə olmaları tələb olunur:

 

“Maraqlıdır axı, müəllimlər tətil günlərində niyə işə getməlidirlər? Yanvarın 27-dən ümumtəhsil müəssisələrində 2023-2024-cü tədris ili üzrə qış tətili başlayıb. Qış tətili 27-31 yanvar tarixlərini əhatə edir. İkinci yarımil üzrə ilk dərs fevralın 1-dən başlayacaq. Görünür ki, müəllimlər üçün tətil anlayışı yoxdur. Müəllim və işçilər üçün iş günü olmayan tarixlər əmək məzuniyyəti dövrü və istirahət günləridir. İş günü sayılmayan bayram günləri, Ümumxalq Hüzn Günü və seçki günləridir. Tətil günlərində müəllimlərin iş saatının hesabatı aparılır. Altı günlük iş rejimi ilə çalışan müəllimlər tətil günlərində altı saat, beş günlük iş rejimi ilə işləyən müəllimlərin gün ərzində yeddi saat məktəbdə, yəni iş yerində olmaları tələb edilir”.

 

Ekspert əlavə edib ki, qanunvericilikdə tətil uşaqlar üçün nəzərdə tutulub:

 

“Əmək məcəlləsinə görə, hər bir işçi işə götürüləndə əmək müqaviləsi imzalanır. Əmək müqaviləsində işçinin hər gün işdə olma saatları göstərilir. Müəllim ştatda olan işçidir. Buna görə də hər gün məktəbdə olması ilə bağlı özü müqavilə imzalayır. Şərti olaraq hər gün səhər saat 08:00-dan 16:00-a qədər məktəbdə olmalıdır. Müqavilədə hər şey qeyd olunur. Müəllim deyə bilər ki, mənim həftədə iki saat dərsim var. Beş gün niyə məktəbə gəlim? Çünki ştatda olan işçidir. Müqavilədə də iş saatı qeyd olunub. Azərbaycanda müəllimlərin tam və ya yarımştat məsələsi yoxdur. Dərs saatı var. Direktor altı dərsi hər gün bir saata sala bilər. Əmək müqaviləsinin tələblərinə görə, müəllim səkkiz saat işdə olmalıdır. Qanunvericilikdə də belədir ki, tətil uşaqlar üçün nəzərdə tutulub. Müəllimlər üçün deyil”.

Xəbər lenti

InvestAZ

Ən çox oxunan xəbərlər

“İran guya Azərbaycandan təhlükə gözləyirmiş kimi aranı qarışdırır”

Brüssel görüşündə hərbi dəstək məsələləri müzakirə olunub?

Əsən Ana əlləri

Şəhid Abdullazadə Həsənağanın valideynləri ilə görüş

Laçınlılardan atəşkəsin pozulmasına REAKSİYA

Daha bir deputat səlahiyyətini İTİRİR

Hacı da olanda, belə Hacı olasan...

Nurcahan Hüseynova dünyasını dəyişdi

Yaşasaydı bu gün 68 yaşı tamam olacaqdı

Goranboy sakini evini satdı: Sosial yardımı DAYANDIRILDI

Cüdoçumuz Avropa kubokunda üçüncü olub

Bu gün onun günüdür - Sevindik Hətəmov 61

Bu gün IX sinif şagirdləri buraxılış imtahanı verəcək

Uşaqlar üçün ayaqla birlikdə böyüyən krosovka

Həkimdən XƏBƏRDARLIQ